KËRKOJMË ME VENDOSMËRI TË NDËRPRITET GJYKIMI I ALBIN KURTIT!
Modifikimi i fundit në Monday, 22 February 2010 07:04 Publikuar nga admin Monday, 22 February 2010 07:04
GJYKATËS SË EULEX-it DHE QEVERISË SË KOSOVËS
LETËR TË HAPUR
Siç u njoftua sot i tërë opinioni shqiptar dhe i huaj, Gjykata e EULEX-it, ka ngritur padrejtësisht fletëarresti për udhëheqësin e Lëvizjes Vetëvendosje, Albin Kurtin, për faktin që “fajtori” e prijësi i demonstrative të 10 Shkrutit 2007, nuk ka pranuar të gjykohet nga një Gjykatë e cila nuk e njeh pavarësinë e Kosovës; prandaj, siç është shprehur ai: “As unë as Lëvizja Vetëvendosje nuk e njohim atë gjykatë”!
Pastaj, një turmë policësh paskan shkuar në shtëpinë Albinit dhe nuk e paskan gjetur aty, ata, kanë shkuar më tej -drejt shtëpisë Lëvizjes Vetëvendosje mirëpo, sipas aktivistit, Sherif Konjufca i cili tha në ALSAT : “Albini gjendet në takim me popullin”! Mirëpo, – siç u njoftua pastaj; vendndodhjen e tij kolonialistët e EULEX-it dhe puthadorët e tyre shqipfolës nuk e dinë!
Me këtë rast ndiejmë revoltë të arsyeshme dhe pa humbur kohë duam t´u drejtohemi me këtë letër dhe t´i paralajmërojmë që sot e tutje për gjithçka e keqe që mund t´i ngjanë Albinit dhe për gjithçka e rëndë që mund të ngjanë në Kosovë, përgjegjësinë kryesore do ta kenë EULEX-i dhe Qeveria e Hashim Thaçit!
Themi kështu, sepse, kjo qeveri po lejon të torturohet burgjeve rinia e Kosovës, nga thundrat shtypëse të kolonizatorëve të huaj , UNMIK-u dhe EULEX-i.
Kujtojmë me këtë rast që; -po këtë fat e përjetoi edhe i madhi atdhetar, Ukshin Hoti, për të cilin organet “republikane” të “ pushtetit paralel” Kosovës nën udhëheqjen e Ibrahim Rugovës, në bashkëpunim me organet republikane të Serbisë e burgosën , e torturuan, e syrgjynosën dhe më në fund edhe kur nuk dihej ku gjendej: kurrë nuk u interesuan seriozisht as para luftës as gjatë luftës që ky vigan i shqiptarizmës të jetojë dhe të veprojë në dobi të kombit shqiptar, i lirë ashtu siç e meritonte një shkencëtar i madh si Ay.
Me këtë rast ua përkujtojmë kolonizatorëve të huaj dhe kundërshtarëve politikë shqipfolës se, mos të kujtojnë se mund të luhet lehtë me fatet e udhëheqësit shpirtëror të kombit shqiptar. Dje, siç u njoftua në lajmet e mbrëmjes; vetëm për 6 ditë janë mbledhur 76000 nënshkrime për lirimin e tij nga ato akuza ogurzeza, vetëm në Kosovë, -kur i shtojmë ato edhe përtej kufijve të saj si në Shqipërinë administrative dhe kudo nëpër botë, padyshim numri i shqiptarëve dhe i shqiptareve që e kërkojnë lirimin e Albinit, – e themi me modesti; i tejkalon njëqindmijë e tutje…
Prandaj, kujdes zotërinj!
Mos provoni ta trazoni këtë popull se, shumë ka derdhur gjak e djersë, shumë ka përjetuar tmerre nga serbomëdhenjtë e maqedonët gjakatarë; nga tri luftërat që i bëri në trojet e veta etnike; mjaft po vuan ky populli ynë madje, pa buk´e dritë, pa ujë e pa gjalpë në vatër nga këta “shpëtimtarë”, ndërkombëtarë dhe udhëheqës të partive në pushtet e besa edhe në “opozitë” të të gjitha trojeve shqiptare, të cilët gjithçka të mira e begati kanë bërë për vete por, Shqipërinë Etnike e lanë në mëshirën e fatit, pjesa më madhe e saj po lëngon nga duar të huaja të fqinjëve gjakatarë dhe aleatëve të tyre, reaksionarëve evropianë; miqve të hapur e të maskuar të tyre.
Kujdes zotërinj!
Mos e revoltoni më tej këtë popull, se pastaj, po i filluat zaret e zjarreve të revoltave popullore që mund të shpërthejnë me mjetet e lejuara demokratike si: grevat, demonstratat, mosdëgjueshsmëria qytetare e të tjera si këto, pastaj zor do ta keni ta ndaloni uraganin popull.
Po e ritheksojmë që, për të gjitha këto mynxyra që mund të pasojnë, përgjegjësinë do ta bartni ju mbi supe dhe jo vetëm këtë, mirëpo, bashkë me ato edhe turpet ndaj historisë kombëtare e njerëzore- që do t´ju ndjekin tërë jetën!
Të nënshkruarit:
Xhemil Zeqiri, aktivist i Lëvizjes Vetëvendosje , Danimarkë dhe
Fadil Shyti, aktivist i Lëvizjes Vetëvendosje, Suedi.
