Ngritja e flamurit shqiptar në Shipkovicë!
Demonstratave të Tetovës, që shpërthyen me 23 dhjetor të vitit 1968 u paraprinë disa ngjarje që ndodhën në Kosovë, por në fakt ishte ky një shpërthim i mllefit të akumuluar te shqiptarët për një kohë më të gjatë, për shkak të trysnisë së pushtetit Jugosllav, i cili edhe pse në mënyrë verbale garantonte barazi për të gjithë qytetarët e vet, në praktikë shqiptarët si qytetarë të rendit të dytë e të tretë ishin të shtypur në çdo segment të jetës.Gjyqi i Qarkut për padi publike në Shkup: vendos Në bazë të nenit 117 pika 1 në lidhje me nenin 100 dhe 101 të ligjit penal të ngrejë aktpadi kundër:
1. Memetriza Murtezanit (Gega), Tetovë arsimtar i dënuar me 7 vjet burg të rëndë
2. Faik Mustafait Tetovë, student i dënuar me 5 vjet
3. Abdulselam Selamit, Tetovë mësues i dënuar me 1 vjet e 6 muaj
4. Ramadan Sinanit, Tetovë student I dënuar me 2 vjet
5. Femi Rufatit, Tetovë student idenuar me 2 vjet
6. Abdulmenaf Rustemit, Tearcë student i dënuar me 2 vjet
7. Isnixhevat Useinit, Tetovë arsimtar me 5 muaj burg
8. Xhemail Mustafait, Tetovë i dënuar me 5 muaj burg
9. Agim Xhaferit, Tetovë student i dënuar me 3 muaj burg
10. Arben Xhaferit, Tetovë student i dënuar me 3 muaj burg
11. Isniqemal Sherifit, Shipkovicë arsimtar i dënuar me 2 vjet burg
12. Refik Muratit, Shipkovicë murator i dënuar me 2 vjet burg
13. Nexhmedin Nezirit, Shipkovicë mësues i dënuar me 2 vjet burg
14. Agim Tjekës, Gjakovë student i dënuar me 2 vjet e 6 muaj burg
15. Ibrahim Rudit, Gjakovë student i dënuar me 3 vjet burg
Se të akuzuarit prej 1-15 vjet akuzohen për vepër penale,të ndikuar nga nacional-shovinizmi shqiptar dhe armiqësi të disponuar kundër rregullimit shoqëror në RSFJ dhe kundër vëllazërim-bashkimit të popujve në Jugosllavi. Kah fundi i vitit 1967 dhe në l968 në shumë mbledhje të mbajtura në banesën e Ramadan Sinanit, Faik Mustafa dhe dëshmitarit V.L kanë shpalosur platformën për veprimtari armiqësore kundër RSFJ dhe RS të Maqedonisë, gjoja se shqiptarët nuk gëzonin as të drejtat elementare në Maqedoni dhe se Maqedonia Perëndimore dhe Kosova historikisht i takojnë Shqipërisë.
Kjo duhet t’i sqarohet çdo shqiptari me qëllim që të nxis nacionalizmin te shqiptarët dhe në veçanti te arsimtarët dhe hoxhallarët, me qëllim që të shfrytëzohet ndikimi i tyre te popullata shqiptare, që të nxitet urrejtja ndaj Maqedonasve përmes demonstratave dhe sulmeve ndaj pushtetit vetëqeverisës të Jugosllavisë, duke e quajtur qeverisje fashiste. Kështu shqiptarët në këtë mënyrë duhet të përgatiten për një luftë të armatosur, qëllimi i së cilës do të ishte shkëputja e Tetovës, Gostivarit, Dibrës, Kërçova dhe Struga prej Maqedonisë dhe do t’i bashkohej të ashtuquajturës “Shqipëria e Madhe”. Këtë platformë të akuzuarit e kanë pranuar dhe nga kjo kanë formua një grup kundërpopullor dhe kanë bërë veprime kundër ligjeve,kundër popullit dhe shtetit nga neni 100 dhe 101 pika 1 e ligjit.
Penal me qëllim dhe forcë dhe rrugë kundërkushtetuse Maqedonia perëndimore t’i takojë Kosovës dhe së bashku me te Shqipërisë.
Mbështetur në veprat e lartpërmendura të akuzuarit kanë shkelur ligjin (vepër penale) Organizim kundër popullit dhe shtetit nga neni ll7 pikat në lidhje me nenin 100 dhe 101 I ligjit penal.
Në këtë rast prokurori publik i propozon gjyqit të qarkut në Shkup, mbështetur në ligjin penal, të paraqes, të caktojë dhe të mbajë një shqyrtim gjyqësor publik, në të cilën do të jenë të thirrur, përpos të akuzuarve edhe 57 dëshmitarë, që të gjithë shqiptarë, të cilët sot janë njerëz me funksione të larta: si politikan, profesor e arsimtar, drejtor, nëpunës publik etj, dhe dy dëshmitarë të nacionalitetit maqedonas: Stanojevski Gjorgji dhe Sokollovski Vasko nga Tetova banues ne rr.Boris Kidric, si dhe shpalosjen e letrave që janë këmbyer në mesin e të akuzuarve dhe dëshmitarëve që në atë kohë kanë kaluar pa therë në këmbë. Nga 15-të të akuzuarit që u dënuan në demonstratat e 1968 me 2-3 vjet burg të rëndë,tre ishin nga Shipkovica Isdtniqemal Sherifi I lindur 15.02.1945, Refik Murati i lindur 10.06.1944 dhe Nexhbedin Neziri lindur 25.12.1935.
Nexhbedin Neziri në deklaratën e parë jo vetëm që nuk akuzon asnjë nga shokët ,por thotë se për tërë veprimtarinë që kam bërë do përgjigjem. Ai deklaron:,, Dëshira e ime ka qenë që me çdo kusht ta gjej një flamur kombëtar,ende para se të lejohej përdorimi,ta vendosja për festa, e kjo duhet të kuptohet si ndjenjë nacionale e imja. Në përgjithësi mund të them se ne të gjithë njihemi mes vete, por absolutisht nuk jemi të kënaqur për të drejtat e shqiptarëve. Unë më parë nuk kam qenë nacionalist,por situata ne Kosovë dhe e gjithë ajo që shkruhej nëpër gazeta pas Plenumit të katër ka ndikuar në disponimin tim. Thënë më saktë ne kemi besim të plotë ndaj njëri tjetrit. Flamurin kombëtar ma ka siguruar Faik Mustafa nga Prishtina. Ndjenjat dhe dëshira ime e madhe më bindin mua dhe juve se jam njeri që e do kombin e vet, edhe pse jam në pranga, përsëri jam i gatshëm të luftoj për vendosjen e flamurit. Megjithatë atëherë nuk ishte i lejuar përdorimi i flamurit, por nga dëshira e madhe mendoja se ngritja e flamurit do të ishte shumë madhështore.
Me 29 Nëntor është festa e RSFJ-së dhe unë si drejtor i shkollës në Shipkovicë e kam ngrit flamurin kombëtar. Ngritjen nuk e kam bërë në bazë të rregullave paraprakisht të dhëna sepse e kam ngritë vetëm flamurin e kombi shqiptar.
Të dhënat janë marrë nga dosja personale e Nexhbedin Beqir Neziri me Nr:23848 RSVR SRM.
Larg duar nga eksperimentet me fëmijët shqiptar!
