Distria Krasniqi i ka siguruar medalje të artë Kosovës. Më pas është ngritur edhe flamuri i Kosovës mbi atë të Serbisë dhe Argjentinës,
Xhudistja pejane ka shkëlqyer në “Grand Slamin” e Hungarisë, garuesit tjerë kosovarë u eliminuan herët.
Xhudistja pejane ka shkëlqyer në “Grand Slamin” e Hungarisë, i cili filloi sot.
Krasniqi ka dominuar në kategorinë 48 kilogramë, në garën që po mbahet në Budapest. Rrethin e parë, Distria e kaloi pa luftë, ndërsa në atë të dytë ishte më e mirë se hungarezja Eva Csernoviczki.
Në rrethin e tretë, përkatësisht në çerekfinale, Krasniqi e mposhti francezen Shirine Boukli.
E në gjysmëfinale, “Disi” e mundi izraeliten Shira Rishony për ta siguruar kështu medaljen e argjendtë. Ajo ishte në nivel edhe në finale, ku përballë e kishte argjentinasen Paula Pareto, njëherësh kampione olimpike, për ta fituar kështu të artën.
Ndërkaq pas fitimit të medaljes, është ngritur edhe Flamuri i Kosovës, i cili është ngritur mbi atë të Serbisë dhe Argjentinës.
Pa dyshim se kjo fotografi sot është fotografi e ditës, muajit e ndoshta edhe e vitit për sportin kosovar