Jahja Kokaj i VV-së synon ta nis një raketë në hapësirë gjatë Qeverisjes së Kurtit

Deputeti i Vetëvendosjes, Jahja Kokaj ka thënë se gjatë qeverisjes së Albin Kurti planifikon që të nis një reketë në hapësirë.

Ai këtë deklaratë e ka bërë në emisionin “Natë Vere” në T7.

“Kjo mund të ndodh në qoftë se e realizoj një projekt shkencor, që do jetë për hulumtime nano-teknologjike, natyrisht jo e madhe. Do të realizohet gjatë aktivitetit tim, mund të ndodh gjatë qeverisjes Kurti”, ka deklaruar ai.

Kokaj gjithashtu ka thënë se ka 35 vjet që nuk shkon në pushime.

Ai ka thënë se mendimet e tij nuk qëndrojnë vetëm në fushën politike.

“Mendoj që ekziston ai milintantizmi në të gjitha shtëpitë televizive, ku mendojnë se po vjen një njeri që ka mendime të kanalizuara vetëm në politikë, kurse unë kom mendime kozmopolite, të cilat ndikojnë në pozitivitetin e njeriut në përgjithësi”, ka deklaruar tutje ai.