Kryeministri Hoti
Kryeministri i Kosovës, Avdullah Hoti ka deklaruar se një nga pikat e marrëveshjes ekonomike me Serbinë, e nënshkruar në Shtëpinë e Bardhë, nuk i ka pëlqyer aspak.
Fjala është për pikën 15 të kësaj marrëveshje ku thuhet: Kosova do të pranojë të zbatojë një moratorium një vjeçar që pauzon kërkimin për anëtarësimin Organizatat Ndërkombëtare.
“Pika 15 e marrëveshjes nuk më ka pëlqyer aspak”, u shpreh Hoti në Oxygen Show në Klan Kosova.
Kosova dhe Serbia kanë nënshkruar marrëveshjen ekonimike më 4 shtator në Washington. Në ceremoninë e nënshkrimit të kësaj marrëveshjeje ishte i pranishëm edhe presidenti amrikan, Donald Trump, i cili është bërë dorëzan i ujdive të nënshkruara nga Kryeministri i Kosovës, Avdullah Hoti dhe Presidenti i Serbisë, Aleksandar Vuçiq.
