A ju nxisin sadopak imagjinatën fjalët “mistikja e verbër bullgare Baba Vanga, që profetizoi fundin e botës”? Nëse po, nuk jeni të vetëm. Baba Vanga cilësohet si “Nostradamusi i Ballkanit”. Nostradamusi ishte mjeku francez i epokës së Mesjetës, parashikimet e së cilit vazhdojnë të citohen ende sot.
Çfarë ka parashikuar Baba Vanga për këtë vit?
Siç pretendon tabloidi britanik “The Mirror”, ne do të shohim rënien e Bashkimit Evropian, një atentat ndaj presidentit rus Vladimir Putinit, riaktivizimin e ekstremistëve islamikë në Evropë, njerëz që ndahen nga besimi i tyre fetar, ndryshime të mëdha në vetëdije dhe trena fluturues falë energjisë diellore. Ndërkohë ish-presidenti i Amerikës, Donald Trump do të preket nga një “sëmundje misterioze që do ta lërë atë të shurdhër dhe do t’i shkaktojë trauma në tru”.
Kush ishte Baba Vanga?
Emri i saj i vërtetë ishte Vangelia Pandeva Dimitrova. Ajo lindi në vitin 1911 në Bullgari dhe e kaloi pjesën më të madhe të jetës së saj në rajonin Rupite në Malet Kozhuh, rreth 2 orë larg në veri të qytetit grek të Selanikut. Ajo ndërroi jetë në vitin 1996 në moshën 85-vjeçare dhe 4 vite më vonë nisi të përhapet fjala.
Kjo ndodhi pikërisht në momentin kur u fundos nëndetësja bërthamore ruse “Kursk”. Pretendohet se Baba Vanga e parashikoi këtë ngjarje që në vitin 1980. Kur Baba Vanga ishte gjallë, vendasit u bindën se ajo kishte fuqi paranormale dhe e vizitonin shpesh për të folur me të afërmit e tyre të vdekur.
Ky ishte momenti kur ajo mori pseudonimin e saj, një kombinim i “Baba” (që do të thotë zonjë e moshuar) dhe “Vanga” (një shkurtesë e emrit të saj). Baba Vanga nuk lindi e verbër, por sipas të gjitha dëshmive, e humbi shikimin e saj në një aksident misterioz gjatë fëmijërisë.
Në vitin 1925, ajo ndoqi një shkollë për të verbrit në Zemun, ku mësoi përmes metodës Braille. Por në dallim nga Nostradamusi francez, ajo nuk shkroi vetë asnjë nga vizionet që pretendonte se shihte. Ajo u mbështet tek ata që kishte përreth saj për të përshkruar atë që shihte, të cilën ajo ua atribuoi “krijesave të padukshme”, të cilat nuk mund t’i shpjegonte.
Megjithatë, jo pak njerëz besojnë se parashikimet e Baba Vangas, megjithëse mund të interpretohen në forma të ndryshme, janë provuar të jenë afërsisht 85 për qind të sakta.
Ndër të tjera, pretendohet se ajo parapa fillimin e Luftës së Dytë Botërore, vd.ekjen e Stalinit, Çernobilin, sulmet e 11 shtatorit 2001 ndaj Qendrës Botërore të Tregtisë në Nju Jork, katastrofën bërthamore në Fukushima të Japonisë në vitin 2011, zgjedhjen e Barack Obamas president të SHBA’së, bashkë me ditën e saktë të vdekjes së saj.
Profecitë mbi shkatërrimin e botës, transformimet, njerëzit-makina dhe alienët…
Parashikime të tjera të Baba Vangas, kanë të bëjnë me temat e ngjashme me të gjitha profecitë: shkatërrimin, transformimin, këshilla për fuqitë botërore, katastrofat mjedisore, etj. Ngjashëm me Librin e Zbulesës në Bibël, ajo ka folur për “dragonjtë”, për të cilët shumë besojnë se janë një koment mbi fuqinë gjeopolitike gjithnjë në rritje të Kinës. Sidomos duke pasur parasysh profecitë e saj në lidhje me ”paratë e kuqe”.
Po sipas profecive të saj, klonimi i njeriut do të jetë një praktikë mëse e zakonshme deri në vitin 2046, natyra do të rilindë në vitin 2084, njerëzit do t’u nënshtrohen modifikimeve të makinerive në vitin 2111, do të ketë udhëtime në kohë dhe kontakte me alienët rreth vitit 2288, do të ketë Iuftë në planetin Mars në vitin 3005 dhe jeta në Tokë do të marrë fund në vitin 3797.
Megjithatë, jo të gjitha profecitë janë të zymta, transmeton bota.al. Baba Vanga parashikoi se ky do të jetë viti kur do të zhduket kanceri. Të paktën, kjo profeci mund të shërbejë si një kujtesë e shpresës se kanceri, në format e tij shktërruese, do të mund të kurohet vërtet një ditë.
Në përgjithësi është paqartësia e vizioneve profetike, ajo që i bën ato kaq intriguese. Këto profeci zbulojnë fiksimet e një epoke dhe shqetësimet e atyre që i interpretojnë ato.
Në këtë mënyrë, Baba Vanga dhe të tjerët si ajo, janë të vlefshëm jo domosdoshmërisht sepse na bëjnë të aftë të përgatitemi për ngjarje të mëdha botërore, por për shkak të aftësisë së tyre për të “parashikuar” në një mënyrë indirekte, çfarëdolloj gjëje që njerëzit zgjedhin të besojnë.