Këtë vit çmimet e larta në bregdetin shqiptar janë bërë shqetësim i madh për turistët, gjë e cila po shkakton edhe pakënaqësi, duke e konsideruar si të pa pranueshme rritjen e çmimeve.
Një gjë e tillë i ka ndodhur një turisti në Shëngjin, i cili ka bërë të ditur për Sinjalin se për një çadër në plazh ka paguar 1 mijë e 800 lek, që në euro i bie hiç më pak se 15 euro e 25 centë.
Shëngjini është një nga destinacionet e preferuara për qytetarët e Kosovës, pasi që deri vonë ka pasur çmime goxha të përballueshme për të kaluar pushimet e verës.
Kujtojmë që ditë më parë u raportua për çmimet e larta edhe në Ksamil, ku një kosovar ka paguar 42 euro për një çadër.
