Kryetari i Komunës së Prishtinës, Shpend Ahmeti, ka thënë se Kosova ende nuk e ka kaluar valën e parë të co ronavírusit.
“Po quhet vala e dytë, nuk mund të jetë valë e dytë pa përfunduar vala e parë. Nuk ka përfunduar vala e partë dhe tani kemi një përhapje dhe Prishtinë prinë me numra. Atë që e kam thënë unë: Është matje e pasaktë! Prishtina ka 12 mijë teste për dy javë që do të thotë se nuk po e krahasojmë më numrin e rasteve”.
Ahmeti në KlanKosova ka shtuar se zgjidhja më e mirë do të ishte mbyllja totale.
“Të shkojmë në mbyllje totale për një javë në gjithë vendin, o të mos bëjmë hajgare me këto masa. Nuk ka kuptim që dikush i Kaçanikut të mos mund të vjen në Prishtinë në 07:00 e mund të shkojë në Shkup”.
Sipas tij Prishtina ka qenë respektuesi më i madh i masave nga fillimi i COVíD-19.
“Nuk kam bërë thirrje për mosbindje të masave. Do t’i respektojmë edhe më tutje”, tha ai.