Pas aderimit të Haxhi Shalës nga NISA në AAK, duket se partia e Ramush Haradinaj do të rritet edhe më shumë në Kuvend. Kështu ka bërë të ditur shefi i deputetëve të Aleancës, Daut Haradinaj, ku tha se grupi parlamentar i këtij subjekti do të rritet edhe me emra të ri, e në mesin e tyre edhe deputetë të Lëvizjes Vetëvendosje.
Pas kësaj deklarate të Hardinaj mbrëmë, është përgjigjur edhe shefi i deputetëve të Vetëvendosjes, Rexhep Selimi. Ai nga studio televizive e T7 ka thënë se kjo nuk ka gjasa të ndodhë.
“Përse një deputet do të lëshonte VV’në dhe të kalonte në AAK. Më falni se nuk po e them me qëllim të keq, por e vetmja që do mund ta bënte këtë do ishte Donika Kadaj. Le t’i ruaj ata që i ka”, deklaroi Selimi.
Pas kësaj deklarate, ka ardhur edhe reagimi i Daut Haradinaj ku me anë të një postimi në Facebook i është përgjigjur Selimit.