![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
Zyra Federale e Shëndetit Publik ka raportuar sot 9386 raste të reja pozitive me koronavirusin, që janë regjistruar gjatë 24 orëve të fundit.
Mesatarja e 7 ditëve të fundit është 6557 ose 81 për qind më shumë se në javën e kaluar, shkruan srf.ch. Siç shihet nga ky numër, trendi po rritet shumë shpejt në një nivel shumë të lartë.
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
Shkalla mesatare 7-ditore e pozitivitetit aktualisht është 24.6 për qind.Numri i testimeve të realizuara në një mesatare 7-ditore është 27,094 teste në ditë ose 34 për qind më shumë, krahasuar me javën e mëparshme. 35,230 teste janë kryer brenda 24 orëve të fundit kështu që numri i përgjithshëm i testeve të realizuara deri më sot, ka arritur shifrën prej afër 1.9 milion.
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
BAG ka raportuar 31 raste të reja të vdekjes nga koronavirusi, transmeton albinfo.ch. Ky numër tregon për një rritje të konsiderueshme të rasteve fatale, në raport me rritjen e infeksioneve.
Të kujtojmë: Numri i vdekjeve të sapo raportuara është rritur nga 24 në 31 brenda një dite. Ndërsa numri i përgjithshëm i vdekjeve të shkaktuara nga sëmundja Covid 19 në Zvicër dhe Lihtenshtajn, që nga fillimi i pandemisë ka arritur tashmë në 1985.
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
Kantonet aktualisht raportojnë se 2,132 njerëz janë duke u trajtuar në spitale, për Covid-19, përcjell albinfo.ch. Kjo është 78 për qind më shumë se në javën e kaluar.
Zvicra aktualisht ka tejkaluar kufirin federal të 60 infeksioneve të reja për 100,000 banorë në 14 ditët e fundit.