Gjuriq
Drejtori i të ashtuquajturës Zyre serbe për Kosovën, Marko Gjuriq, ka deklaruar sot se Avdullah Hoti nuk mund të shpëtojë nga krijimi i Asociacionit të Komunave Serbe.
“Hoti mund ta gënjejë publikun sa të dojë, por ai nuk do t’i shpëtojë krijimit të Asociacionit të Komunave Serbe. Ai po këndon një këngë tjetër në takimet në Bruksel dhe jo vetëm premton të mundësojë formimin e Asociacionit të Komunave Serbe, por gjithashtu garanton edhe kompetenca shtesë për të”, tha Gjuriqi, shkruan rtv.rs, transmeton Indeksonline.
Ai shtoi se Hoti duhet të ndërmarrë urgjentisht hapa për të formuar Bashkimin e Komunave Serbe pas një
shtyrje prej shtatë vjetësh.
Sipas Gjuriqit, Hoti është i detyruar t’i shpjegojë publikut në Kosovë se ai po merr pjesë në procesin e normalizimit të marrëdhënieve dhe jo në një “dialog për njohjen reciproke”./Indeksonline/
