Zëdhënësi i Lidhjes Demokratike të Kosovës dhe ministri në detyrë i Bujqësisë, Besian Mustafa ka thënë se votuesi i kësaj partie nuk do ta votojë Vjosa Osmanin brenda listës së Lëvizjes Vetëvendosje, shkruan Reporteri.net.
“Votuesi i LDK është tradicional. Voton brenda listës së LDK. Votuesi i LDK-së nuk e përcjellë një individ në një parti tjetër. Nuk e shoh që votuesi i LDK-së do ta përcjellë zonjën Osmani në listën e VV-së”, tha ai në Politiko të Kanal 10.
Vjosa Osmani në zgjedhjet e kaluara të mbajtura në nëtor të vitit 2019, ishte kandidate për kryeministre.
Osmani u shkarkua nga LDK pas mosmarrëveshjeve dhe prishjes së koalicionit LDK-VV.
Vjosa Osmani dhe iniciativa e saj ‘Guxo” do të garojnë brenda listës së Vetëvendosjes dhe është nominuar si kandidate për presidente