Fadil Nura është deputeti që do të zëvendësojë Kadri Veselin në Kuvend.
KQZ-ja miratoi sot rekomandimin e Zyrës së Presidentit të Kosovës për këtë ndryshim.
Nura në zgjedhjet e 6 tetorit 2019, arriti të marrë 8.959 vota, të pamjaftueshme për t’u bërë në atë kohë deputet. Por ishte i pari në listën e pritjes.
Veseli ka hequr dorë nga posti i deputetit, pasi është akuzuar nga Gjykata Speciale në Hagë dhe ndaj tij tashmë ka nisur procesi gjyqësor.
Veseli ka hequr dorë edhe nga posti i kryetarit të Partisë Demokratike të Kosovës, duke e lënë si ushtrues detyre Enver Hoxhajn.
