Në mediat serbe sot është publikuar një video ku shihet një prift serb i cili heq flamurin kombëtar nga Kulla e Vrojtimit në Koshare. Videoja e publikuar nga gazeta serbe Novosti thotë se prifti serb ka qenë i shoqëruar edhe nga dy persona të tjerë, shkruan Reporteri.
Aty thuhet se ai ka shkuar aty për të përkujtuar serbët që vdiqën në betejën e Koshares dhe më pas kur pa flamurin kombëtar u ngjit dhe e hoqi atë.
“Meqenëse isha sipër, pashë drejt flamurin, atë shqiptar, i cili fluturon nga kulla e vrojtimit që nga viti 1999, pas tërheqjes së ushtrisë sonë. Disa emocione më pushtuan dhe iu afrova dhe e hoqa”, citohet të ketë thënë ai.
Kjo gazetë ka publikuar edhe disa pamje të tjera të këtij prifti. /Reporteri.net
