Mbase për dike ishte i befasishëm, mirëpo jo për pjesën tjetër që e prisnin. Ardhja e Vlora Çitakut në Kosovë është përfolur që nga ngritja e aktakuzës ndaj presidenti të Kosovës.
Vlora shihet si pasardhëse e Thaçit, duke qenë se presidenti aktual i ka ditët e numëruar. Vlora shihet se produkt i Thaçit, dhe si e tillë ajo gëzon mbështetjen e tij.
Edhe pas largimit nga posti i presidentit, Hashimi mendon për njeriun që do e zëvendësoj. Kjo është sjellje tipike e diktatorëve, të cilët për të gjallë, përgatisin terrenin për pasardhësin e tyre, që të vazhdoj mbizotërimi i diktaturës.
Vlora, aktualisht ambasadore në SHBA, Vlora Çitaku, e ka konfirmuar edhe vetë se do të largohet nga misioni i saj në Uashington, duke thënë se ka qenë nder i jetës së saj që ta prezantojë Kosovën në SHBA.
Nuk ka dyshim se Thaçi e di shumë mirë se do i konfirmohet aktakuza nga Gjykata Speciale, dhe kjo gjë tashmë s’ka diskutim.
Prandaj e ka nënshkruar dekretin për largimin e saj nga misioni si ambasadore në SHBA. Me këtë veprim presidenti aktual po ia imponon ish partisë së tij PDK që të propozojë Vlorën për president, edhe pse një pjesë e madhe e zyrtarëve të lartë të PDK nuk e shohin Vlorën si kandidatë të duhur, duke kthyer sytë kah disa të tjerë, si Enver Hoxhaj apo Hajredin Kuqi.
Basti më i sigurt i Thaçit është Vlora, derisa besimi ndaj të tjerëve është në diskutim. Një person i besuar si Vlora, të cilën e ka ngritur në karrierë, është një bast i sigurt për të diktuar vendimet e ardhshme.
Edhe duke qenë jashtë politikës zyrtarisht, Thaçi tenton të diktojë jetën politike në vend, prandaj edhe po insiston, po përgatit terrenin për ta bërë presidente Vlora Çitakun.